Лагите на СДС повторно паднаа во вода, средствата од ИПАРД програмата се целосно достапни за македонските земјоделци, без никакви блокади и без никакви неправилности.

Владата предводена од ВМРО-ДПМНЕ реагираше брзо, одговорно и државнички. Наместо да шири паника, како што тоа го правеше СДС, по случајот со злоупотреба на претходниот директор на платежната агенција, институциите веднаш презедоа конкретни чекори и побараа вонредна контрола од Европската комисија со цел целосно расчистување на состојбата.

Согласно целосната и детална контрола од страна на Европската Комисија за користење на средствата од ИПАРД програмата, утврдено е дека нема неправилности во самите постапки, што значи дека системот функционира.

Резултатот е јасен и недвосмислен, нема никакви злоупотреби, нема неправилности и системот функционира. Ова е официјално потврдено од европските институции, што претставува силен демант на сите невистини пласирани од СДС.

Особено важно е да се нагласи дека средствата никогаш не биле блокирани од Брисел, спротивно на лагите што СДС свесно ги ширеше за да предизвика страв и недоверба кај земјоделците.

Додека СДС се занимава со дезинформации и дневнополитички манипулации, Владата работи транспарентно, одговорно и во интерес на граѓаните. Наместо шпекулации фокусот е ставен на мерливи резултати.

Ова е уште еден јасен доказ за деструктивниот пристап на СДС и нивната неспособност да понудат нешто повеќе од лаги. Граѓаните веќе ја препознаваат таа матрица и знаат кој работи, а кој манипулира.

Владата предводена од ВМРО-ДПМНЕ продолжува со грижата за земјоделците како и модернизација и развој на земјоделието во државата.