Венко Филипче, човекот кој го симболизираше колапсот на македонскиот здравствен систем, повторно се обидува да ги манипулира граѓаните, злоупотребувајќи трагични настани за евтини политички поени.

Јасно е дека СДС спроведува координирана и агресивно испланирана акција, користејќи исти структури кои во минатото организираа протести за Нешковски, Тамара и Младенов, а потоа мистериозно молчеа за трагедијата во модуларната болница во Тетово. 

Но, вистината е дека Филипче станува сè поизолиран и неприфатен, дури и меѓу своите поддржувачи. Најдобар доказ за тоа е неговата објава, која со тешкотии собра 188 лајкови – веројатно од неговото потесно семејство и „куртоазни“ познаници. Ова само потврдува дека граѓаните не го заборавиле неговото минато и несериозноста со која раководеше со здравството.  

ВМРО-ДПМНЕ ќе продолжи да биде гласот на народот и да ги разобличува лицемерните обиди на поранешните функционери од СДС, кои, наместо да понесат одговорност за своите неуспеси, денес се обидуваат да ги искористат најтрагичните настани за сопствени политички калкулации.