Додека соларниот картел млати милиони, народот плаќа скапа струја, која СДС ја накачи за 30% за домаќинствата, а до 2.5 пати за компаниите.
500.000 луѓе живеат со 150 денари на ден, и не знаат како да си ги платат сметките, а соларниот картел сврте 26 милиони евра.
Ковачевски се најде со центарот на аферата Броило и не знае како да релативизира, па пишуваат лаги и манипулации со цел да дефокусираат.
Во време на СДС струјата поскапи над 30% за домаќинствата и за 2.5 пати за фирмите, во време на претседателот Мицкоски цената на струја се намали.
Заради неспособноста на СДС цената на струјата дополнително ќе се зголемува, а тоа го кажува дуото Ковачевски во неколку наврати.
СДС се заборави во лажењето, но колку и да манипулираат, народот знае колку плаќа за струја кога претседателот Мицкоски бил одговорен за секторот енергетика, а колку сега.
Имено во време на претседателот Мицкоски цената за киловат час се намали од 4.47 денари на 4.45 денари, а сега цената за киловат час е 5.28 денари за домаќинствата кои трошат од 631 киловат часови до 1051 киловат часови, а тие што трошат над 1050 киловат часови плаќаат по 14.1 денар, и тоа се сите домаќинства кои се греат на струја.
Кога сме кај изградените енергетски капацитети, да ги потсетиме СДС дека во време на претседателот Мицкоски се изгради ветерниот парк Богданци, се вршеа реконструкциски зафати на голем број капацитети, се отпочна со набавка на механизација за ископ во РЕК Битола, која СДС ја запре за да може да распишуваат тендери за ископ и транспорт на јаглен, како ќе вадат милиони евра од претпријатието, нешто за кое ќе има и одговорност.
А кога си замина претседателот Мицкоски од ЕЛЕМ, претпријатието го остави со полна каса, 30 милиони евра, од кои 25 милиони евра депозити, 5 милиони на сметка и нула долгови.
Со СДС ЕЛЕМ со 2020 бележеше загуба од 16.7 милиони евра, а во 2021 загубата се искачи на 28 милиони евра.
СДС може само да учат како се работи за Македонија и за енергетска стабилност од претседателот Мицкоски, а набргу по доаѓањето на власт на ВМРО-ДПМНЕ Македонија ќе тргне кон енергетска стабилност.