Ова е гигантот некогашен во Република Македонија, Винарска визба Повардарие. Официјално стечајна постапка 2019 година. Што зборуваше сегашната опозиција и тогаш кога беше опозиција во Неготино? Нудеше гарантиран откуп, нудеше повисоки цени. Само што дојдоа на власт, ја затворија винарска визба Повардарие. Сега бараме откуп и повисоки цени, гигантот во Република Македонија 25 до 30 милиони килограми, успееја да ги закопаат. Лозаропроизводителите Неготино, Демир Капија и дел од Кавадарци. Она што ние го паметиме во делот на лозаропроизводството кога сегашната опозиција беше на власт е црвениот тепих во лозјето“, истакна Златко Пенков пратеник од редовите на ВМРО-ДПМНЕ на денешната собраниска седница.
Пенков истакна дека цените не можат да се споредат со периодот на владеење на СДС, кога изнесувале 8, 9 или 10 денари, додека опозицијата тогаш зборувала за откуп од 3 денари по килограм грозје. Тој посочи дека поради претходни административни промени во платежната агенција, земјоделците биле обврзани двапати да се пријавуваат, што резултирало со тоа околу 8.000 земјоделци да не го остварат правото на субвенции.
„Околу цената не може да се спореди во време на владеење на СДС, 8,9,10 денари една година кога исто оваа опозиција зборуваше за откуп 3 денари по килограм грозје, 3 денари по килограм грозје. Околу постапките коишто ги спроведува платежна агенција согласно промените коишто беа донесени тогаш за една иста работа требаше двапати да има пријавување, резултатот на тоа што имавме дупло пријавување 8,000 земјоделци не го остварија своето право на субвенции. Благодарение сега на новата Влада тоа е укинато. Неколку моменти околу претпријатијата коишто се директно врзани како папочна врска со Министерството за земјоделство, шумарство и водостопанство, тоа се водостопанство и македонски шуми. Ние често пати дискутиравме за тоа во делот на неисплатените плати, во делот на сите понижувања коишто ги доживеа. Вработените беа понижени максимално, едната компанија четири месеци неисплатени плати, второто претпријатие пет месеци неисплатени плати. Но што е последицата сето тоа? За првпат во историјата наплатени средства финансиски за огревно дрво не беа доставени количините до сите оние коишто имаа уплатено финансиски средства. Поголем срам и резил не е имало“, рече Пенков и додаде:
„На крајот само ќе кажам дека тоа владеење остави длабоки траги, длабоки последици. Тоа е еклатантен пример за едно душманско управување и уништување со сешто она што значи македонско, односно македонските претпријатија“.