Со донација од РК ,,Алкалоид”, целосно го опремивме кабинетот по информатика во ООУ ,,Круме Кепески”

Денес заедно со претседателот на ракометниот клуб ,,Алкалоид”, Горан Минов и другите претставници од раководството на клубот сме во ООУ ,,Круме Кепески”, каде преку нивна донација целосно опремивме кабинет по информатика.Десктоп компјутери, лаптопи печатачи, скенери, монитори, ранци и торби за лаптоп, од овој први септември им се ставени во функција на учениците од ова училиште со цел унапредување на нивните ИТ вештини и осовременување на наставниот процес.
Сакам да се заблагодарам на РК Алкалоид, кој покажувајќи ја својата општествена одговорност ги поддржа нашите заложби за обезбедување на поквалитетна работна средина за нашите ученици.
Се надевам дека нашата соработка ќе продолжи, бидејќи со вакви настани покажуваме дека имаме исти цели и делиме заеднички вредности – да создадеме можност секое дете да го достигне својот потенцијал.
Претходната учебна година општина Кисела Вода за основните училишта обезбеди повеќе смарт табли, а три од нив се токму во ова ООУ ,,Круме Кепески”, додека пак оваа година локалната самоуправа ќе излезе со нови мерки за унапредување на наставниот процес.
Сакам да најавам и дека од септември ќе имаме и бесплатни курсеви по информатика за децата од социјално загрозени семејства, за што ќе излеземе со дополнително соопштение, а ранците со училишниот прибор и тетратките од проектот  ,,Ранче за секое прваче” се веќе пристигнати и на 1 септември првоодделенците подготвени ќе го почнат својот прв училишен ден.

Линк од фејсбук статус: