Мицкоски: СДСМ и во овој мандат си го пронајде новиот Красничи, награден со позиција во Владата – ова е време на ерозија на принципи и вредности

Наспроти декларативните настојувања на Владата за транспарентност која спаѓа во рубриката гол популизам, денес дознaвме дека Танушевци било “заробено”, па потоа “ослободено”, пишува претседателот на ВМРО-ДПМНЕ Христијан Мицкоски на својот Фејсбук профил откако во медиумите се објави дека командант Хоџа добива позиција во Владата, како советник на премиерот Зоран Заев.

-Дека за да се добие позиција во владата треба да се зароби некое село или град, и дека тоа се критериуми за напредок, а не професионалните компетенции, какво образование или минат труд има зад себе. СДСМ и во овој мандат си го пронајде новиот Красничи, но овој пат награден и со позиција во владата. Ова е време кога имаме целосна ерозија на принципите и вредностите. Сите говорат, но владата молчи… а молчат затоа што тонат во сопствената жива кал. Владата, Премиерот и Министерот за внатрешни работи должат одговори… и треба да се свесни дека бргу ќе дојде денот кога за се ова што им прават на граѓаните и на нашата држава ќе понесат одговорност, бидејќи мора во нашата држава конечно одговорноста да има име и презиме, пишува Мицкоски на Фејсбук.

6 мај, 2018 - 17:43