fbpx

Прес конференции

Лефков: Заради Заев на секое полнење на резервоар од 60 литри плаќате 840 денари повеќе, тоа се 20.160 денари годишно од еден просечен граѓанин

Почитувани,

Зоран Заев и СДСМ наметнаа 14 денари давачки кон буџетот за секој литар гориво. Заради Зоран Заев и СДСМ горивата во Македонија се поскапи за 14 денари, пари кои одат директно во буџетот на име ново воведени акцизи, давачки и такси, тоа е покачување кое не е последица на зголемување на светската цена на горивата, туку е последица на алчноста на Зоран Заев.

Заев првин го испразни буџетот, потроши скоро 15 милијарди евра за 4 години и направи нов долг од 2.4 милијарди евра. Македонија е позадолжена од кога било, и сега кога буџетот е празен удира по џебот на народот, за тој да ја покрие дупката во приходите, која настана заради тендерите кои си ги даваа на блиски луѓе и поткупот кој го правеа пред избори.

Заради Зоран Заев на секое полнење на резервоарот на автомобилот од 60 литри плаќате дополнителни 840 денари. Овие 840 денари повеќе ги плаќате само заради неспособноста на Заев.

Доколку во месецот ставате гориво два пати, вие плаќате 1.680 денари повеќе, и тоа само заради Зоран Заев. Тоа на годишно ниво се 20.160 денари, или едноставно кажано, за една година Заев ви зема 20.160 денари, односно една цела месечна плата.

Сите граѓани на Македонија плаќате поскапи горива затоа што владата на Заев го испразни буџетот, затоа што расипнички управуваат со буџетот и вашите пари.

Дополнително ова покачување на цената ќе влијае и на цените на сите производи во малопродажба. Постои реална опасност од ценовен шок и зголемување на цените на сите производи, пред се заради фактот што горивата се примарно средство за производство во многу дејности.

Од овде апелираме власта да се откаже од најновото покачување од 4.13 денари и наместо со даноци, да почне да крати од непродуктивните трошоци, големите тендери и да скрати од поткупот кој го прават за избори.

Народот не смее да страда заради нечија амбиција за пари и богатење на нелегален начин. Да ставиме крај на поделбите на СДСМ и Заев, на граѓани од прв и граѓани од втор ред. Македонија за сите луѓе!

 

 

Последни новости