fbpx

Прес конференции

Милошоски:Заев, Димитров и Османи да се појават пред Собранието и да објаснат за кои дополнителни анекси се разговара по однос на Договорот со Бугарија

Интегрален текст од изјава за медиуми на Антонијо Милошоски, Член на ИК на ВМРО-ДПМНЕ

Почитувани,

Би сакал да кажам дека денес протестот го одржуваме пред Министерството за надворешни работи затоа што ова надворешно-политичко прашање поврзано со можните дополнителни отстапки од Македонија кон Бугарија ги засега и министерот Бујар Османи и премиерот Заев и вицепремиерот Никола Димитров кој што беа личности што пред три години не убедуваа дека сме почнале преговори со ЕУ, а гледаме дека и ден денес тоа не е случај.

Истите тројца беа промотори на референдумот на кој што ветуваа дека Македонија ќе стане членка на ЕУ, но далеку сме од таквата ситуација. Затоа повикуваме до институциите особено до Заев, Димитров и Османи да се појават пред Собранието како дом каде што се наоѓаат народните избраници и таму на граѓаните преку пратениците и на јавноста да и објаснат за кои дополнителни анекси се разговара по однос на Договорот со Бугарија и зошто јавноста беше излажана во 2017 година дека Договорот со Бугарија ги решил сите македонско-бугарски спорови и го отвара патот за ЕУ. Гледаме дека тоа не е вистина и сметаме дека таа вистина Заев, Димитров и Бујар Османи им ја должат на граѓаните, на Собранието и на јавноста.

Новинарско прашање: До кога ќе траат протестите?

Одговор на новинарско прашање: За викендот ВМРО-ДПМНЕ ќе има свои активности во Битола со Унијата на млади сили и таму ќе одржиме една годишна конференција. Од следната недела зависи од власта какво поведение ќе има, ако продолжат да бидат таинствени, конспиративни и не сакаат да споделат со јавноста за какви тајни анекси се преговара  со Софија тогаш ќе имаат одговор каков што имаа и досега. Се надеваме дека ќе имаат демократски капацитет да покажат дека пред јавноста, Собранието и граѓаните нема работи кои што ги кријат на штета на Македонија.

 

Последни новости