fbpx

Прес конференции

Андоновски: ВМРО-ДПМНЕ нема да дозволи Заев под маса да преговара за македонската историја, јазик и идентитет

Почитувани,

Денес сме овде пред поранешната Нова Македонија, но и на уште две локации во Скопје, и во уште девет градови низ Македонија, затоа што утре може да биде предоцна, утре можеме да се разбудиме како бугаризирана нација, држава која што ги прифатила сите барања на соседите, држава која нема сопствена историја, историјата ќе ја брои од Зоран Заев наваму, држава која што ќе го брои својот јазик како дрво без корен од 45-тата наваму.

И заради тоа иако можеби власта ја иритираат овие протести, овие блокади во градовите, но уште повеќе иритира ако Македонија ја прифати бугарската декларација безпоговорно, без рбет, и не одговори со одбрана на своите сопствени национални интереси.

И ако дозволиме Заев под маса да ги дискутира, да преговара за нашата историја, нашиот јазик и нашиот идентитет, најверојатно ќе се разбудиме како граѓани кои што не си ја заслужуваат Македонија и кои што во најтешките времиња им било тешко да се спротивстават на распродавањето, раскрчмувањето на македонскиот јазик и идентитет.

Во оваа насока ќе продолжиме со пркосење, ќе продолжиме со одбрана на македонските национални интереси, на секој начин на кој е возможен дали во Собранието, дали надвор на улиците, ние не се плашиме од притисоците на власта, од притисоците на полицијата кои што ги прават секојдневно и во Скопје и во другите градови, и продолжуваме безпоговорно, безпоштедно да се бориме со ова што ни се случува во моментов во Македонија. И ќе продолжиме да останеме на браникот на македонските интереси.

Прашање: Првин беа најавени до петок протестите, дали во наредните денови ќе продолжат или не?

Одговор: Реакциите и протестите на ВМРО-ДПМНЕ зависат од однесувањето на власта. Се додека власта се крие, ги крие информациите, ги крие декларациите кои што сака да ги потпише, ги крие условите, не води за Илинденска, па потоа го менува ставот, не води во насока на македонските интереси, а потоа објавува дека македонскиот јазик е ист со бугарскиот. Ние ќе продолжиме на улиците и на сите други начини да и се спротивставуваме на власта.

 

 

Последни новости