fbpx

Прес конференции

Додека Тунџев директорува со Катастар, фирмата на неговата сопруга добива лиценца за производство на струја за 34 години

 

 

Почитувани,

Денеска следува уште една прес конференција со уште еден доказ и со уште една причина зошто Македонија тоне на сите мерења на корупцијата.

Тоне на сите мерења за борбата со криминал, тоне на сите мерења за партизација на државата.

Следува уште еден доказ за приватизација на институциите, следува уште еден случај за украден живот за четирите години начин на владеење на Заев со криминал и партизација на Македонија.

Почитувани,

Ова е лиценца издадена на неверојатни 34 години за компанијата КБ Енерго Соларис ДООЕЛ Скопје, лиценца за вршење енергетска дејност, производство на електрична енергија. Издадена е на 24 август 2020 година, а трае до 24 јуни 2054 година, цели 34 години.

Почитувани,

Можеби се би било во ред да не се работи за компанија во сопственост на директорот на македонскиот катастар Борис Тунџев односно за компанија на име на неговата сопруга.

Според информациите кои што тој лично ги доставил до Државната комисија за спречување на корупција ова е компанија на неговата сопруга, но нема податоци за тоа кога и по кој основ ова компанија е стекната.

Додека директорува со републичкиот катастар Тунџев приватно односно неговата сопруга добива концесија за 3000 метри квадратни фотоволтаици до 2054 година, на цели 34 години.

Почитувани,

Дали своите приватни бизниси Тунџев ги става на име на неговата сопруга?

Она што е интересно е дека фирмата на семејството Тунџеви е основана во 2019тата година, а  веќе во 2020тата година добива концесија за производство на струја која трае до 2054 година со потпис на Марко Бислимовски, претседателот на регулаторната комисија за енергетика.

Почитувани,

Дали своите приватни бизнис Тунџев ги става на име на неговата сопруга и така да прави влијание и да се добива концесија за работа за цели 34 години?

Мора да напоменам дека покрај оваа фирма за производство на електрична енергија, сопругата на Борис Тунџев има фирма за дејност која што е во тесна релација со катастарот воден токму од Туџев, а тоа е фирма за геодезија чие што содејство е сродно со образованието на Тунџев бидејќи она не е ниту геодет, ниту електрично, но Борис Тунџев е. Но, сепак сопругата има две компании, една за производство на електрична енергија, а друга е за геодезија.

Мора да се нагласи дека Тунџев  во својот анкетен лист свесно ја изоставил фирмата Гео проект на неговата сопруга која што практично е негова компанија.

За ова иста работа Тунџев мора да одговори дали претходно не беше казнет од Антикорупциската комисија за прикривање на податоци за неговата имотна состојба.

Како е можно еден инженер по геодезија кој што истовремено е и директор на катастар на Република Македонија во неговото семејство да има фирма која што се занимава со геодезија, дејност која е најтесно поврзана со катастарот и каде што се слеваат огромни финансиски средства секоја година. Го прашуваме Тунџев и тој мора да одговори.

Како е можно еден директор на катастар да не ја искористува својата моќ и положба да влијае врз добивање на лиценца за производство на електрична енергија на фирма која што е во сопственост на неговата сопруга, дали е воопшто тоа можно или пак можеби Тунџев не е во тек за фирмите на неговата сопруга или пак успехот на овие фирми се крие токму во неговата функција?

Почитувани,

Ја повикуваме Државната комисија за спречување на корупцијата, но и Јавното обвинителство да се ангажираат и да ги испитаат сите врски на директорот на катастар со бизнисите во неговото најтесно семејство, со бизнисите на неговата сопруга на која што според информациите се слева добра сума на пари во семејните фирми.

Доста е од криминал, како што реков на почетокот, ова е само уште еден доказ за четирите години владеење на Заев. Четирите години украден живот во Македонија.

Линк од видео материјал:

Прашање: Дали верувате дека ДУИ кои од 2008 се клучни во екологијата во земјата, сега може да се ребрендираат во зелена партија?

Одговор: Оваа е уште една од предизборните манипулации на режимот на власт. Оваа е уште една манипулација за понатамошно крадење на животот во Македонија. ДУИ, веројатно од сега ќе го спречи Мерко да ги вози најскапите службени возила во Македонија и ќе го качи на електричен тротинет, или пак ДУИ можеби ќе му наложи на советникот во Охрид кој што ма најголем број на дивоградби, тие дивоградби да ги гради еколошки.

Прашање: Најавена е соработка СДСМ-ДУИ за локалните избори. Дали размислувате за коалиција со албанската опозиција?

Одговор: ВМРО-ДПМНЕ одамна ја подаде раката до сите оние кои што се волни да го срушат овој режим кој што го украде животот во Македонија. Добредојдени се сите оние кои што сметаат дека се работи за режим и дека е доста од украдениот живот во Македонија.

Со почит,

Последни новости