fbpx

Прес конференции

Ќе донесеме странски инвестиции во Македонија и ќе отвориме нови работни места

 

Интегрален текст од изјава на Александар Николоски, потпретседател на ВМРО-ДПМНЕ

Јас го кажав тоа што го кажав и стојам позади она што го кажувам. Имено дента кога бев во посета на Неготино и неготинско од многу луѓе слушнав дека многу луѓе за жал ја губат работата односно не им се продолжуваат договорите. Основа причина за тоа е заради тоа што имаме корона криза во цел свет, ја имаме и во Македонија и заради тоа се губат работни места.

Мојата порака е јасна и едноставна, а тоа е дека владата мора да помогне на стопанството, кое за жал во моментот не го прави. Недозволиво е Еленица на Заеви да добива државна помош во услови кога прави милионски профити секоја година, а фирми кои што вработуваат илјадници луѓе да размислуваат дали да ги задржат или да не ги задржат и направив една аналогија, како што во 90тите години СДСМ ја затвори фабриката за кабли во Неготино, доколку останат на власт затоа што не прават ништо за странски инвестиции во три години ниту една странска инвестиција не дојде во Македонија ,а ниту ги помагаат домашните, има потенцијал да затвораат и постојни инвестиции.

Видов дека Зоран Заев денеска пробувал да го спинува и да го врти тоа, но многу едноставно е Зоран Заев немал намера да носи странски инвестиции во Македонија затоа што три години видовме дека не носи.

Исто така овие три години странските инвестиции, а и претходно како опозиција СДСМ се систематизирани, се напаѓани, имаше разни прилози и од СДСМ и од блиски на СДСМ како се условите лоши за работа, како се даваат ниски плати итн.

Мислам дека е тоа не фер однос кон странските инвеститори, тие треба да се помагаат, она што можам да го кажам е дека после победата на 15-ти јули на ВМРО-ДПМНЕ ние ќе ги помагаме и странските и домашните инвеститори за да се створи еден втор инвестициски циклус. Веќе имаме договорено три странски инвестиции кои што ќе дојдат во Македонија, на постојните ќе им дадеме помош и се надевам дека во Дрекслермаер ќе се отвораат нови работни места, а нема да се затвораат работни места.

Новинарско прашање: Што ќе им порачате на кавадарчани вечерва?

Одговор: Ќе имам неколку пораки, првата е поврзана со економијата и со она што го кажав до сега, втората е поврзана со земјоделието, потребен е силен удар на зелената мафија, затоа што зелената мафија ја цица маката на земјоделецот, таа зелена мафија опстојува 30 години во Република Македонија и мора да се удри директно во чело и да се стави крај на истата. Затоа што не може грозјето да е 12 денари килограм секоја година, а цените секоја година да растат или не може краставиците да се 5 денари килограм, за сто евра да заработите треба 1000 килограми да ги одгледувате, и да не ги бројам сите останати производи коишто се произведуваат.

Во делот на националното достоинство, апсолутно ставање на крај на овие понижувачки политики на Македонија и бришење на се што е македонско, преговори за историјата нема, преговори за Гоце Делчев нема, преговори за  македонскиот јазик нема, останатото ќе го слушнете.

Последни новости