fbpx

Соопштенија

Идентитетот не смее да биде предмет на преговарање со Бугарија

 

Денеска во интервју за Дојче Веле претседателот на ВМРО-ДПМНЕ Христијан Мицкоски изјави дека идентитетот, јазикот и историјата не смеат да бидат предмет на преговори. Доколку Бугарија инсистира да преговара на оваа тема, тоа значи дека содржината на тој билатерален договор кој го склучи Зоран Заев е исцрпен и потребен е нов.

-Доколку во тие разговори се вклучуваат идентитетски прашања поврзани со јазикот, историјата, идентитетот имаме јасен став дека по ниту една цена не треба да се разговара за она што претставува наше идентитетско обележје. Тоа не смее да биде предмет на договарање ниту какви било отстапки. А претходно кажав, дека доколку нашиот источен сосед продолжи да инсистира на преговори на оваа тема која опфаќа идентитетски прашања, тоа значи дека содржината и на овој актуелен билатерален договор кој го склучи Заев е исцрпена, и дека тој наместо да нуди иднина, нуди минато и тој за нас како политичка партија ќе биде минато. Тогаш е јасно дека е потребен нов договор кој ќе обезбеди иднина и во кој овие работи нема да бидат дел од преговори, вели Мицкоски.

Што се однесува до тоа дали треба да се продолжи со разговорите или не, Мицкоски смета дека разговорите треба да се препуштат на историските комисии кои треба да работат врз основа на факти, а не врз основа на притисок и врз основа на тоа Заев да именува и разрешува нејзини членови за да исполнуваат нарачки. Политиката треба да биде настрана од овој процес, посочи Мицкоски.

Со почит,

Центар за комуникации на ВМРО-ДПМНЕ

Последни новости